28 C
Hong Kong
Friday, March 29, 2024

音波功:音樂唱片新紀元“純音藍光碟”


近日網上討論著一股新的音樂儲存制式,名叫 Pure Audio Blu-ray 純音藍光 ,容量就係一平單面的藍光碟 25GB 大容量,如果同傳統 CD 比較,足足係等於 360 隻 CD 的容量咁大,而入面儲存歌曲數目都係同 CD 一樣,大家可以想像到,每首歌既音訊資料會比 CD 大幾多呢!絕對係將所有音樂以無壓縮的狀態收錄,音像質素完全媲美 Studio 錄音室的母帶質素。而亞洲區的首隻純音藍光碟,就由近年以推出發燒唱片為主的趙學而率先推出,比日本更快,對香港的唱片業來說,都可算係一個創舉呢!


以大容量的藍光碟作媒體,純音藍光碟的格式亦已經落實,傳統 CD 是以 44kHz/16bit 收錄的,而在純音藍光上就可以以 CAS 界發燒友都享往的 96kHz/24bit 收錄,各位可以想像得到,而 Pure Audio Blu-ray (純音藍光) 的播放器材,就只係需要一部普通的藍光碟機就可以播放,在碟內,亦會提供唱片的選單等畫面,方便大家選擇歌曲,將來,亦都有可以會在碟中加入如 MTV,演唱會的收錄入容,所以大家如果家中已經有藍光碟機的話,就已經可以買一隻Pure Audio Blu-ray (純音藍光)在家中,一嘗真正高清音樂的體驗了。

相關內容

最新內容